დროში მოგზაურობა - აზიური სერიალები და ფილმები ქართულად - Asia.com.ge

საბედისწერო მეტოქე

Tue, 14 Jul 2026 15:06:13 +0400

ჩოსონის ეპოქის ცნობილი და ამბიციური ქალი, კან დანშიმი, სასახლეში ინტრიგებისა და ძალაუფლების თამაშების გამო სიკვდილით დასაჯეს. თუმცა მისი ისტორია ამით არ სრულდება — სიკვდილის შემდეგ იგი მოულოდნელად 2026 წლის სეულში იღვიძებს, უცნობი და წარუმატებელი მსახიობის, შინ სორის სხეულში. თანამედროვე სამყაროში მოხვედრილი დანშიმი ცდილობს ახალ რეალობას შეეგუოს, მაგრამ მისი მკვეთრი ხასიათი, ჩოსონის დროინდელი ჩვევები და დაუნდობელი ბუნება მუდმივად პრობლემებს ქმნის. სწორედ ამ დროს კვეთს გზებს ჩა სეგიესთან — ცივ, ამპარტავან და გავლენიან ჩებოლის მემკვიდრესთან, რომელიც ყველაფერს ძალაუფლებისა და წარმატებისთვის აკეთებს. მათი ურთიერთობა თავიდანვე დაპირისპირებით, კამათითა და მუდმივი კონკურენციით იწყება, თუმცა დროთა განმავლობაში ერთმანეთის მიმართ მოულოდნელი გრძნობები უჩნდებათ. ამავდროულად, დანშიმი ცდილობს გაიგოს, რატომ მიეცა მეორე სიცოცხლე და შეძლებს თუ არა საკუთარი ბედისწერის შეცვლას.

გადატვირთვა

Fri, 19 Jun 2026 12:37:55 +0400

ჩვეულებრივი სტუდენტი ლი ში-ცინი ავტობუსით მგზავრობისას საშინელ ავარიაში ხვდება და ფიქრობს, რომ ყველაფერი დასრულდა. თუმცა მოულოდნელად იღვიძებს და აღმოაჩენს, რომ იმავე დღის, იმავე მომენტის ხელახლა გადაცდა უწევს. მალე ხვდება, რომ დროის მარყუჟშია გამომწყვდეული და ყოველ ჯერზე ავტობუსის აფეთქებამდე რამდენიმე წუთით ადრე ბრუნდება.

ერთ-ერთი ასეთი მცდელობის დროს იგი შემთხვევით თამაშების დიზაინერ სიაო ხე-იუნსაც ითრევს დროის მარყუჟში. ახლა ორივე იძულებულია ერთად იმოქმედოს, რათა გაარკვიონ, ვინ დგას ტრაგედიის უკან და როგორ შეაჩერონ კატასტროფა. ყოველი ახალი ციკლი მათ საშუალებას აძლევს მგზავრების შესახებ უფრო მეტი გაიგონ, გამოავლინონ დაფარული ისტორიები და ნაბიჯ-ნაბიჯ მიუახლოვდნენ სიმართლეს.

ჩემი სრულყოფილი უცნობი

Sun, 13 Apr 2025 22:30:48 +0400

იუნ ჰეჯუნი ჟურნალისტი და დროში მოგზაურია. ის იგებს რომ 16 წელში გარდაიცვლება, თავისი სიკვდილის თავიდან ასარიდებლად კი 1987 წელში დაბრუნებას აპირებს - იქ, სადაც მისმა მკვლელმა თავისი პირველი მკვლელობა ჩაიდინა.
დროში მოგზაურობის პროცესში კაცი ეჯახება ბეკ იუნ იონგს - ქალს რომლის დედამაც ცოტა ხნის წინ თავი მოიკლა. შეჯახების გამო ქალიც დროში მოგზაურობს და აღმოჩნდება 1987 წელში - იქ, სადაც დედამისი სკოლის მოსწავლეა და მისი მშობლები ერთმანეთს არ შეხვედრილან.
დროის მანქანა შეჯახების პროცესში გაფუჭდა და მთავარი პერსონაჟები 1987 წელში გაიჭედნენ, იუნ იონგი გადაწყვეტს რომ ეს დრო თავის სასარგებლოდ გამოიყენოს და დედამისის სამომავლო სუიციდი თავიდან აიცილოს.

საუცხოო მორბენალი

Thu, 30 May 2024 15:11:14 +0400

რიუ სონჯე ვარსკვლავია, რომელიც დებიუტის დღიდან ყურადღების ცენტრშია. მისი ცხოვრება იდეალური ჩანს, თუმცა გასართობმა ინდუსტრიამ შინაგანად გამოფიტა. იმ სოლი, რიუ სონჯეს გულანთებული ფანია. პატარაობისას მას უბედურება შეემთხვა. ამის გამო მან თავისი ოცნება დათმო, თუმცა რადიოში მოსმენილმა რიუ სონჯეს სიტყვებმა ის ანუგედა და სოლი მისი ფანი გახდა. ერთ დღესაც იმ სოლი გაიგებს, რომ რიუ სონჯე წამლების არასწორად მიღების გამო დაიღუპა, ეს კი მას საშინლად ასევდიანებს. სასწაულებრივად, იმ სოლი წარსულში მოგზაურობს, სადაც 19 წლის რიუ სონჯეს ხვდება, რომელიც ჯერ კიდევ სკოლის მოსწავლეა. სოლი ცდილობს სონჯეს ტრაგიკული მომავალი შეცვალოს.

დაქორწინდი ჩემს ქმარზე

Wed, 21 Feb 2024 16:45:02 +0400

ჯივონს კიბო აქვს, მაგრამ თავისი ქმარი არაფრად აგდებს. ერთ დღესაც ქალი თავის ქმარსა და საუკეთესო მეგობარს შეუსწრებს და აღმოაჩენს, რომ მთელი ცხოვრება ტყუილში ცხოვრობდა. მათთან კამათის დროს ჯივონი კვდება და დროში მოგზაურობს - 10 წლით ადრე, როცა თავის ქმარზე ჯერ კიდევ არ იყო დაქორწინებული. ქალს აქვს შანსი, თავისი ბედისწერა შეცვალოს და უფრო ბედნიერად იცხოვროს, მისი ერთ-ერთი მთავარი მიზანი კი ისაა, თავისი ყოფილი მომავალი ქმარი და მოღალატე საუკეთესო მეგობარი ერთმანეთს გაურიგოს, და ორივე გააუბედუროს.

წკრიალა საზამთრო

Wed, 15 Nov 2023 22:19:51 +0400

2023 წელში იუნგიოლი მუსიკალური ნიჭით დაჯილდოებული სკოლის მოსწავლეა. მას გიტარაზე დაკვრა ძალიან უყვარს, მაგრამ პირველ ადგილას სწავლასა და ოჯახს აყენებს. ბიჭის მთელი ოჯახი სმენადაქვეითებულია, ამიტომ იუნგიოლი ერთადერთია, ვინც მათ გარესამყაროსთან აკავშირებს. ერთ დღეს იუნგიოლი იდუმალ მუსიკალურ მაღაზიაში შედის და შემთხვევით დროში მოგზაურობს. ბიჭი აღმოჩნდება 1995 წელში და ახალგაზრდა მამამისს, იჩანს შეხვდება - მამამისს წარსულში სმენის უნარი დაკარგული ჯერ არ აქვს!. საშინელება ისაა რომ იჩანს გულცივი ვიოლონჩელისტი, სეგიონი მოსწონს და არა ბიჭის მომავალი დედა! მომავალ მამამისთან ერთად იუნგიოლი ბენდს ქმნის, მაგრამ ეს საკმარისი იქნება მისი მომავალი მშობლების ერთმანეთთან დასაახლოვებლად?

ზღაპარი ცხრაკუდაზე 1938

Tue, 13 Jun 2023 19:15:41 +0400

ადამიანად დაბრუნებული ლი იონი კონტრაქტს აფორმებს იმისათვის, რომ მისმა ძმამ ლი რანგმა რეინკარნაცია შეძლოს. კონტრაქტის დასრულებამდე ის ისევ ცხრაკუდა მელია ხდება, ხოლო ერთ-ერთი მისიის შესრულების დროს 1938 წელში, იაპონიის მმართველობის ეპოქაში, ბრუნდება და თავის ძმას წარსულში ხვდება - საქმე იმაშია, რომ ლი იონმა დროის კარიბჭეს ვეღარ მიუსწრო და 2021 წელში დაბრუნების ნაცვლად, წარსულში ჩარჩა.

ალისფერი გული

Mon, 12 Sep 2022 00:58:46 +0400

21-ე საუკუნის გოგონა, წარსულში, 900-იანი წლის კორეის ეპოქაში აღმოჩნდება და ცდილობს სამეფო ტახტზე ღირსეული მემკვიდრე დასვას. სერიალი სავსეა სამეფო კარისთვის დამახასიათებელი ინტრიგებითა და მძაფრი სიუჟეტებით...

კაიროსი

Tue, 15 Feb 2022 11:10:46 +0400

კიმ სო ჯინი, რომელსაც თითქოს იდეალური ცხოვრება აქვს, მოულოდნელად შვილს კარგავს. გამოსავლის ძიებაში, მობილურით უკავშირდება ჰან ე რის. გოგონას, რომლის დედაც ასევე მოულოდნელად იკარგება. აღმოჩნდება, რომ კიმ სო ჯინი მასზე ერთი თვით წინ ცხოვრობს. 10:33 საათი - დრო, როცა ერთმანეთთან კონტაქტი შეუძლიათ, მხოლოდ 10:34 საათამდე. არის კი ერთი წუთი საკმარისი, ქაოსად ქცეული ორივე მათგანის ცხოვრების დასალაგებლად?

ბატონი დედოფალი

Sat, 05 Feb 2022 13:02:53 +0400

აწმყოში, ჯან ბონ-ჰვანი შეფად მუშაობს პრეზიდენტის ლურჯ სახლში. ის შემთხვევით საცურაო აუზში ვარდება, სადაც მისი სული დედოფალი კიმ სო-იონის სხეულში სახლდება, რომელიც ჩოსეონის პერიოდში ცხოვრობს.