ქვეყანა - აზიური სერიალები და ფილმები ქართულად - Asia.com.ge

ეს ზღვა ადიდდება

Fri, 10 Jul 2026 19:54:58 +0400

შავი ზღვის მკაცრი ბუნების ფონზე, ორი გავლენიანი ოჯახის — კოჩარებისა და ფურტუნების — მრავალწლიანი სისხლიანი მტრობა დღემდე გრძელდება. ამ დაუსრულებელი დაპირისპირების შუაგულში აღმოჩნდებიან ადილ კოჩარი და ესმე ფურტუნა — ადამიანები, რომლებსაც წარსულში ერთმანეთი ძლიერ უყვარდათ, მაგრამ ოჯახებს შორის არსებული სიძულვილის გამო მათი სიყვარული ტრაგედიად იქცა. წლების შემდეგ მათი გზები კვლავ იკვეთება და ძველი გრძნობები ისევ ცოცხლდება, თუმცა შურისძიება, ოჯახის ღირსება და წარსულის შეცდომები მათ ბედნიერებას საფრთხეს უქმნის.

მემკვიდრეები

Fri, 10 Jul 2026 14:20:09 +0400

სერიალი მოგვითხრობს გავლენიანი ოჯახების მემკვიდრეების ცხოვრებასა და ურთიერთობებზე. სიუჟეტი კი კიმ თანისა და ჩა უნსანის გარშემო ტრიალებს. მათი გზები პირველად ამერიკაში იკვეთება. მიუხედავად განსხვავებული სოციალური სტატუსისა, მათ შორის გრძნობები ჩნდება, თუმცა რეალობა დაშორებას აიძულებს. სამშობლოში დაბრუნებული კიმ თანი აღმოაჩენს, რომ უნსანი დედასთან ერთად მის მდიდრულ სახლში მუშაობს და ცხოვრობს, რაც მათ შორის აკრძალული, სოციალური ბარიერებით სავსე სასიყვარულო ისტორიას უდებს საფუძველს

ბნელი ნაკადი

Wed, 10 Jun 2026 13:44:31 +0400

სამი ადამიანის ქარიშხალივით ჩახლართული ბედი გიონგანის მდინარეში ერთიანდება, რომლის გავლითაც ჯოსონის მთელი ფული და საქონელი გადის. ჯან სიული უსაქმური და თითქოს არაფრის მაქნისი კაცია, რომელიც თავის წარსულს მალავს. ჩვე ინი სავაჭრო ჯგუფს ხელმძღვანელობს — ის პრინციპული და სამართლიანი ადამიანია. ჯონ ჩუნი პატიოსანი სახელმწიფო მოხელეა, რომელსაც სურს გიონგანის მდინარის ირგვლივ არსებული კორუფციის აღმოფხვრა. თავად მდინარე ოდესღაც სუფთა და ლურჯი იყო, თუმცა ახლა მღვრიე და ასახავს ჯოსონს, რომელიც კანონგარეშე და ქაოსურ ადგილად იქცა. ინტრიგები, ძალაუფლება, საიდუმლო წარსული და ბრძოლა სიმართლისთვის — ისტორია, სადაც არცერთი გმირი არ არის ისეთი, როგორიც თავიდან ჩანს.

მხოლოდ მეგობრები: იოცნებე

Sat, 30 May 2026 20:11:06 +0400

დრამის, რეჟისურის, ხელოვნების, მუსიკისა და ცეკვის ფაკულტეტები კონკურენციაში ჩაებნენ, ისინი სპექტაკლში მონაწილეობის მისაღებად და სასურველი ურთიერთობების მოსაპოვებლად იბრძვიან.

როცა ცხოვრება მანდარინებს გთავაზობს

Thu, 30 Apr 2026 05:53:26 +0400

დრამა მოგვითხრობს მეამბოხე ესუნისა და მისი ერთგული გვანშიკის ისტორიას, რომლებიც 1950-იან წლებში ჯეჯუს კუნძულზე დაიბადნენ. ესუნი იმის გამო, რომ ოჯახს უჭირს, სწავლას ვერ ახერხებს, თუმცა მაინც არ ამბობს თავის ოცნებაზე უარს, რომ გახდეს პოეტი. გვანშიკი კი, ოჯახის წინააღმდეგობის მიუხედავად, გოგონას სიყვარულსა და მის გვერდით ყოფნას არ წყვეტს.

სისწრაფე და სიყვარული

Wed, 29 Apr 2026 21:15:56 +0400

ცხრა წლამდე ძიან მუ დაცულ და მზრუნველ გარემოში იზრდებოდა. ყველასათვის საყვარელი უმცროსი და იყო, ხოლო ჯინ ჯაო ყველას უფროსი ძმა, რომლითაც ყველა აღფრთოვანებული იყო. თუმცა განქორწინების შემდეგ ყველაფერი შეიცვალა. ჯინ ჯაო მამასთან ერთად ტაილანდში წავიდა და ძიან მუმ კი დედასთან დარჩა და შეიტყო, რომ მისი ძმა სინამდვილეში დაშვილები იყო. თუმცა ძმის დაკარგვის შიშით, ძიან მუ მის საპოვნელად მარტო გაემგზავრა.

მათი ხელახალი შეხვედრისას, ის ნაზი ბიჭი, რომელიც ახსოვდა, უკვე სხვად ქცეულიყო - ქუჩის ახალგაზრდად რიმელიც ქუჩას შეეცვალა. მიუხედავად იმისა, რომ ამ შეხვედრას წლები ნატრობდა, თითქოს ძინ ჯაო მისთვის უცნობი იყო. მაგრამ ძიან მუ მაინც მტკიცედ დაუახლოვდა მას. თავდაპირველი წინააღმდეგობის შემდეგ, ჯი ძაომ საკუთარ გრძნობებს გაუსწორა თვალი და საერთო გზა აირჩიეს. — ერთმანეთის სინათლე გახდნენ, განუყოფლად, დღე და ღამე.

კვლავ და კვლავ შევხვდებით

Tue, 07 Apr 2026 21:43:26 +0400

ჯან ჰესონი ცნობილი მხატვარია, რომელიც ერთ დღეს დაუგეგმავად, თავის სკოლაში ლექციის ჩასატარებლად წავა. სკოლაში, მოგონებებით სავსე ხელოვნების ოთახში კი თავის ძველ რვეულს იპოვის, რომელშიც მისი სკოლის დროინდელი სიყვარულის- ი ვუჯინის გახეული სკეტჩია. გადაწყვეტს ნახატი დაასრულოს, თუმცა როგორც კი ფანქარს ხელს უშვებს, 2008 წლის წარსულში გადადის და ვუჯინს ხელახლა ხვდება. რადგანაც ჰესონმა მომავალი იცის, ცდილობს იგივე შეცდომები არ დაუშვას და ვუჯინს თავს არიდებს. მათი ბავშვობა თავიდან იწყება, თუმცა ნამდვილად შეძლებენ წარსულის შეცვლას და ერთმანეთთან ყოფნას?

სიყვარულის მე-4 რევოლუცია

Tue, 07 Apr 2026 19:40:56 +0400

უნივერსიტეტში აბსურდული გაერთიანების შედეგად, კომპიუტერული ინჟინერიისა და მოდელირების დეპარტამენტები ერთიანდებიან. ორი დეპარტამენტის სტუდენტები ერთად იწყებენ სწავლას. მოდელირების დეპარტამენტის სტუდენტმა, კან მინჰაკმა, გაცნობის შოუში გამოჩენის შემდეგ მილიონი გამომწერი მოიპოვა სოციალურ ქსელში, მას გარშემომყოფების მოხიბვლის განსაკუთრებული უნარი აქვს.

ჯუ იონსანი კი კომპიუტერული ინჟინერიის დეპარტამენტის საუკეთესო სტუდენტია. პრობლემების სწრაფად გადაჭრა კი შეუძლია, მაგრამ ერთი ფატალური ნაკლი აქვს: თუნდაც ერთი პატარა შეცდომა იყოს, წინსვლაში მაინც ხელს უშლის. მთელი დღეები კომპიუტერთან მუშაობს, ურთიერთობების არავითარი ინტერესი არ აქვს... მოულოდნელად კი ეს ორი რადიკალურად განსხვავებული ადამიანი ერთმანეთის ცხოვრებაში ჩნდება. ნეტავ ეს სტუდენტებს სადამდე მიიყვანთ?

სიყვარულის ინტერპრეტაცია

Thu, 05 Mar 2026 23:32:47 +0400

ამბავი მოგვითხრობს ჯუ ჰოჯინისა და ამომავალი ვარსკვლავის, ჩა მუჰის, სიყვარულის ისტორიის შესახებ და გვაჩვენებს იმას, თუ როგორ იქცა მათი პროფესიონალური თანამშრომლობა დროთა განმავლობაში ემოციურად დატვირთულ ურთიერთობად.

ჯუ ჰოჯინი პოლიგლოტი თარჯიმანია, რომელიც გამართულად მეტყველებს კორეულად, ინგლისურად, იაპონურად და იტალიურად. ის ენობრივ გენიოსადაა ცნობილი და პირად ცხოვრებაშიც და კარიერაშიც ყველაზე მეტად სიზუსტეს აფასებს. უცხო ენების ცოდნის მიუხედავად, ჰოჯინს სიყვარულის ენა არ ესმის. ის პირველად მაშინ ხვდება ჩა მუჰის იაპონიაში, როდესაც გოგონა ჯერ კიდევ უცნობი მსახიობია. ამის შემდეგ მუჰი პოპულარობას იხვეჭს სენსაციურ ფილმში მისი როლისთვის. ისინი ინტერვიუზე კვლავ ხვდებიან ერთმანეთს, სადაც ჰოჯინი მუჰის თარჯიმანია...

თეფუნის კორპორაცია

Mon, 02 Mar 2026 00:29:37 +0400

კან თეფუნი უდარდელად ცხოვრობს მამის წყალობით, რომელიც სავაჭრო კორპორაციას ფლობს. თუმცა, მამის მოულოდნელი გარდაცვალების შემდეგ, თეფუნი იძულებული ხდება კორპორაციას სათავეში ჩაუდგეს და კორეის ფინანური კრიზისის პერიოდში, მამის დანატოვარი გადაარჩინოს. ამ გზაზე ის ხვდება ო მისონს, რომელიც მასთან ბუღალტრად მუშაობს. მისონს ოჯახის მძიმე ტვირთი აწევს ზურგზე და თეფუნის გამოჩენა გოგოს იმედებს უსახავს.