10 ფაქტი სერიალზე "გოგონა არსაიდან"


გთხოვთ გაითვალისწინეთ რომ სერიალი შეიცავს თემებს, რომლებიც შეიძლება ზოგიერთისთვის გამაღიზიანებელი ან ტრიგერული იყოს. უფრო დაწვრილებით თუ გაინტერესებთ, ნახეთ ჩვენი პოსტი ამ თემასთან დაკავშირებით
10 ფაქტი სერიალზე "გოგონა არსაიდან"

1. კიტის (ნანოს როლის შემსრულებელი) თქმით, ნანოს თუ არ ჩავთვლით, პირველი სეზონის ყველა სერიის შთაგონების წყარო სხვადასხვა ნამდვილი ამბები გახდა, რომლებიც ტაილანდში მოხდა.

2. ნანოს როლის მორგება რთული იყო, რადგან ის ადამიანი არ არის. მსახიობი სხვადასხვა სავარჯიშოებს აკეთებდა, მაგალითად სუნთქვის შეკავებას რადგან "ნანოს პერსონაჟის შექმნას რომ ვცდილობდით, გვჯეროდა რომ რადგან ის ნახევრად ღმერთი ან რაღაც არაადამიანურია, მას საჭმლის ჭამა, სასმლის დალევა, ძილი და სუნთქვა არ დასჭირდება."

3.ნანოს შიშის მომგვრელი თმის დახვევა იმპროვიზაცია იყო, კიტის თქმით მას თვალწინ წარმოუდგა ამის კეთება, როცა მანგას კითხულობდა და ანიმეს უყურებდა.

4.კიტი ამბობს, რომ ნანო სატანის ქალიშვილის მსგავსი არსებაა. " ვცდილობდით ის გველი განგვესახიერებინა ედემის ბაღიდან, რომელიც დადიოდა და ხალხს ვაშლს აძლევდა იმის შესამოწმებლად, წამოეგებოდნენ თუ არა". მან ნანო ასევე დაახასიათა "ძუკნად" და "დემონად" ერთ-ერთი ტაილანდურ გადაცემაში.

5. თავდაპირველი გეგმის მიხედვით, კიტის დუბლიორი უნდა ჰყოლოდა ძალადობრივ სცენებში, მაგალითად იქ, სადაც ნანოს კლავდნენ და მარხავდნენ, მაგრამ კიტიმ გადაწყვიტა სცენები თვითონ შეესრულებინა, ყველაფერი უფრო ბუნებრივი და რეალური რომ ყოფილიყო.

6. კიტის თქმით ნანო ყველაზე მეტად პერსონაჟს ჰგავს ანიმე და მანგა Jigoku Shoujo/ ჯოჯოხეთის გოგონადან. მანგაში, არსებობს ვებსაიტი სადაც ხალხს მოსაშორებელი ადამიანების სახელების ჩაწერა შეუძლიათ, და გოგონას სახელად ენმა აის ისინი ჯოჯოხეთში მიყავთ. ის რა თქმა უნდა რაღაც მნიშვნელოვანს იღებს სანაცვლოდ. კიტიმ ინსპირაციად ასევე გამოიყენა ჯუნჯი იტოს Tomie, ჯოკერი, ჰარლი ქვინი და ჯონი დეპის სხვადასხვა როლები. მსახიობმა ყველაფერი ერთმანეთს შეურია, რომ იდეალური წერტილი ეპოვა.

7. შოუ პერიოდულად "სიკვდილის დღიურს/ Death note" ჰგავს (განსაკუთრებით ის ეპიზოდი, სადაც მოსწავლეები საპირფარეშოს კედლებზე სურვილებს წერენ.) კიტის აზრით, ნანოს სიკვდილის დღიურში როლი რომ ჰქონდეს, ის ყველაფრის დასაწყისი, "სიკვდილის დღიურის" შემქმნელი იქნებოდა.

8. ნანო კიტის თავში მოლაპარაკე ხმას ჰგავს: "მაგრამ არ ვიცი ის ანგელოზია თუ ეშმაკი... ვფიქრობ ნანო ყველას ეგოს ჰგავს, ის ჩვენს გონებაშია და იცის რა არის სწორი და რა არასწორი, და გადაწყვეტს რას იმსახურებს ის, ვინც ცუდად მოგვექცევა." მოკლედ რომ ვთქვათ, ნანო ყველას ბნელი მხარეა!

9. კიტის საყვარელი სერია მეორე სეზონიდან არის ეპიზოდი 6: განთავისუფლება. მისთვის ყველაზე რთულად გადასაღები სცენაც ამ ეპიზოდიდანაა - კადრები, სადაც რამდენიმე ნანო ერთდროულად ჩანს.

10.ნანოს გაჭიმვის (ან გაზმორების) ჩვევა შემთხვევითობა იყო. "პირველად ეს შემთხვევით მოხდა. "ვიფიქრე რადგან გადაღებები დასრულდა, ცოტა გაწელვას გავაკეთებ." ეს კამერამ ჩაიწერა და რეჟისორებს ისე მოეწონათ, რომ გადაწყვიტეს პერსონაჟისთვის მოერგოთ. ამიტომ ყოველ ჯერზე, როცა ვფიქრობდი "რთული დღე იყო, მაგრამ კარგი რომ მოვრჩი", ნანო ამას აკეთებდა.

დაამატე კომენტარი

    • bowtiesmilelaughingblushsmileyrelaxedsmirk
      heart_eyeskissing_heartkissing_closed_eyesflushedrelievedsatisfiedgrin
      winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
      worriedfrowninganguishedopen_mouthgrimacingconfusedhushed
      expressionlessunamusedsweat_smilesweatdisappointed_relievedwearypensive
      disappointedconfoundedfearfulcold_sweatperseverecrysob
      joyastonishedscreamtired_faceangryragetriumph
      sleepyyummasksunglassesdizzy_faceimpsmiling_imp
      neutral_faceno_mouthinnocent