მაისის ახალგაზრდობა - გვანჯუს აჯანყება

მოკლე აღწერა: დრამა "მაისის ახალგაზრდობა" გამოგონილი რომანტიკული ისტორია არ არის. გავრცელებული ინფორმაციით, იგი ეფუძნება რეალურ მოვლენებს, რომლებიც სამხრეთ კორეის ერთ – ერთ ყველაზე საზარელ ეპოქაში - 1980 წლის მაისში მოხდა. ამ დროს კორეაში, კონკრეტულად, ქალაქ გვანჯუში დაიწყო აჯანყება, რომელიც მიზნად ისახავდა ავტორიტარული ხელისუფლების დამხობას და რამაც უამრავი ადამიანის სიცოცხლე შეიწირა.

სამხრეთ კორეას ამ პერიოდში (1980 წელს) ჰყავდა კორუმპირებული, თვითგამოცხადებული ლიდერი, ჯონ დუჰვანი, ხალხს კი მისი გადაყენება სურდა. ამ მიზნით, სტუდენტები ქალაქ გვანჯუში მშვიდობიანი საპროტესტო აქციებს მართავდნენ(18-27 მაისი). პროტესტის განმავლობაში, გვანჯუს მოქალაქეებს ხელში იარაღის აღება მოუწიათ. შოკისმომგვრელი იყო, როდესაც ისინი ხედავდნენ, რომ სამთავრობო ჯარები უნივერსიტეტის ადგილობრივ სტუდენტებს ესროდნენ, სცემდნენ, აპატიმრებდნენ.მხოლოდ 18 მაისის აჯანყების ღამეს დაახლოებით 160, ჯამში კი 2000-მდე ადამიანი შეეწირა.

აჯანყება მაისში დასრულდა, როდესაც ქალაქი გვანჯუ განადგურდა. ამასთან, გვანჯგუს აჯანყება გახდა ერთ-ერთი ყველაზე მნიშვნელოვანი დემოკრატიული მოძრაობა სამხრეთ კორეასა და აღმოსავლეთ აზიაში.


სამწუხაროდ, ამ რევოლუციას შედეგი მაშინვე არ მოჰყოლია და მხოლოდ 10 წლის შემდეგ მოვიდა მთავრობის სათავეში ნორმალური ხელისუფალი. ჯონ დუჰვანს დახვრეტა ჰქონდა მისჯილი, ნასამართლევი იყო ამბოხის, ღალატისა და კორუფციისთვის, მაგრამ ის ახალმა პრეზიდენტმა შეიწყალა.

~~~~~~~~~~~~
რეჟისორი: „მაისის ახალგაზრდობა“ იქნება ისტორიულ პერიოდზე, მაგრამ ეს არ იქნება დრამის მთავარი ნაწილი. აქ ნახავთ უნივერსალურ ემოციებს, როგორიცაა სიყავრული, სიხარული, სიძულვილი... ის, რაც იმ დროს მცხოვრებმა ახალგაზრდებმა განიცადეს. თუ რას აირჩევენ ისინი გამოუვალი მდგომარეობის დროს.

• მაისის ახალგაზრდობა მართლაც ძლიერი დრამაა. ის, რაც უცნაური სასიყვარულო სამკუთხედით დაიწყო, მალევე ტკბილ-მწარე განვითარება ჰპოვა. სიყვარულის, სიხარბის და მწუხარების ეს ტრაგიკული ზღაპარი 12 ეპიზოდის განმავლობაში მაყურებელს დაუვიწყარ, სევდიან და ბრძოლის ჟინით აღსავსე გვანჯუს 80-იან წლებში ამოგზაურებს.