საკურაგაოკას საშუალო სკოლის მოსწავლე ნაცუკი ენომოტო უკვე დიდი ხანია შეყვარებულია თავის ბავშვობის მეგობარზე, იუუ სეტოგუჩიზე. მიუხედავად იმისა, რომ ისინი ყოველთვის ახლოს იყვნენ, ნაცუკი ვერ ბედავს საკუთარი გრძნობების გამხელას და ხშირად სიყვარულის აღიარებას მხოლოდ „ვარჯიშის“ სახელით ეუბნება, რათა ნამდვილი პასუხის მიღების შიში აირიდოს.
დრო გადის, გრძნობები კი უფრო და უფრო ძლიერდება. ამავდროულად, იუუსაც უწევს საკუთარ ემოციებთან გამკლავება, მაშინ როცა მათი მეგობრების ცხოვრებაშიც სიყვარულის, გაუბედაობისა და ურთიერთობების არაერთი ისტორია ვითარდება. თითოეული მათგანი დგას არჩევანის წინაშე — გაბედოს გულის ხმის მიყოლა თუ დაკარგოს ის ადამიანი, რომელიც მისთვის ყველაზე ძვირფასია.
კომორის იუი ჩვეულებრივი, კეთილი და ოპტიმისტი გოგონაა, რომლის ცხოვრება მოულოდნელად იცვლება, როდესაც მამის გადაწყვეტილებით იდუმალ სასახლეში გადასვლა უწევს. ახალ სახლში მისვლიდან მალევე აღმოაჩენს, რომ იქ ექვსი ძმა — საკამაკების ოჯახი — ცხოვრობს, რომლებიც ერთი შეხედვით მომხიბვლელები და არისტოკრატები არიან, მაგრამ საშინელ საიდუმლოს მალავენ: ისინი ვამპირები არიან.
იუნის ახალი ცხოვრება ნამდვილ კოშმარად იქცევა. საკამაკის ძმები მას როგორც ჩვეულებრივ ადამიანს კი არა, საკუთარი სურვილებისა და სისხლის წყურვილის ობიექტად აღიქვამენ. მიუხედავად მათი სასტიკი და ხშირად სახიფათო ქცევისა, იუი თანდათან იგებს თითოეული მათგანის ტრაგიკულ წარსულს, შინაგან ტკივილსა და იმ მიზეზებს, რომლებმაც ისინი ასეთებად აქცია.
მსოფლიოს ერთ-ერთ ყველაზე დაცულ და გაქცევისგან პრაქტიკულად შეუღწეველ ციხეში — ნამბაში — ოთხი უჩვეულო პატიმარი ცხოვრობს. ჯუგო, უნო, როკი და ნიკო ერთმანეთისგან სრულიად განსხვავდებიან, მაგრამ ყველას ერთი რამ აერთიანებს: წარსულში მათ არაერთი ციხიდან წარმატებით გაქცევა მოახერხეს. თუმცა ნამბას ციხე სხვანაირია — აქედან გაქცევა თითქმის შეუძლებლად ითვლება.
ტაკატო საიჯო ბავშვობიდან მსახიობია და ცნობილია, როგორც “წლის უსექსუალურესი მამაკაცი”, ამ ტიტულს იგი უკვე 5 წელია უკონკურენტოდ ატარებს. თუმცა ადგილში უკვე კონკურენციას უწევს ახალბედა მსახიობი, იუნტა აზუმაია. ტაკატოსთვის იუნტა მხოლოდ მეტოქეა, როცა იუნტასთვის ის სამაგალითო და საყვარელი ადამიანია.
კირიე და შუიჩი წლებია შეყვარებულები არიან. ერთ დღესაც ბიჭი იწყებს იმის მოყოლას, თუ ბოლო დროს როგორი შეპყრობილია მამამისი სპირალებით. რამდენიმე დღეში ბიჭის მამის შეპყრობა პიკს აღწევს, რის შედეგადაც კაცი კვდება. ეს მხოლოდ დასაწყისია იმ უჩვეულო ამბების, რომელიც მალე ამ ქალაქში მოხდება.
სიელ ფანტომჰაივი გრაფია, რომელიც ვიქტორიანულ ინგლისში ცხოვრობს და ეს ტიტული 1885 წლის 14 დეკემბრის მერე ერგო. იმ ღამით ფანტომჰაივების ოჯახი და მათი ძაღლი სებასტიანი ამოხოცეს, გადარჩენილი სიელი კი მონად გაყიდეს.ახალგაზრდა გრაფზე ფიზიკურად და ფსიქოლოგიურად ძალადობდა რელიგიურ-სატანისტური კულტი. ერთ-ერთი რიტუალის დროს, დემონი კულტის ლიდერებს მიმართავს, რომ ის აქ სიელმა გამოიძახა და კონტრაქტს მხოლოდ მასთან დადებს. დახმარების სანაცვლოდ ბიჭუნა დემონს სულს მიჰყიდის და მას სახელად სებასტიან მიქაელისს დაარქმევს თავისი გარდაცვლილი ძაღლის საპატივცემულოდ. სიელი ფანტომჰაივების სახლს უბრუნდება და აგრძელებს დედოფლის მსახურებას ისევე, როგორც ამას თავის სიცოცხლეში მამამისი აკეთებდა. ანიმე სიელისა და სებასტიანის თავგადასავლებზეა აგებული.
