კორეაში სამხედრო მოვალეობის მოხდა ყველა კაცს უწევს, მაგრამ მხოლოდ მათ მცირე ნაწილს, მაგალითად პრივილეგირებულ სამედიცინო სფეროში მოღვაწეებს აქვთ იმის საშუალება, რომ საჯარო ჯანდაცვის ექიმებად იმსახურონ. ერთ-ერთი მათგანია დო ჯიუც, პლასტიკური ქირურგი, რომელსაც კუნძულ ფიონდონში გაამწესებენ. კაცს წყლის ეშინია და საერთოდ არაა ამ გადაწყვეტილებით კმაყოფილი, მაგრამ სხვა გზა არ აქვს. გაუძლებს თუ არა ის ამ კუნძულზე ცხოვრებასა და მისი მაცხოვრებლების თავისებურებას?

იონგ-ჯუნი კორეელი ახალგაზრდაა, რომელიც მეგობრის გარდაცვალების შემდეგ ტაილანდში მიემგზავრება, რათა მისი უკანასკნელი სურვილი შეასრულოს. იქ ჩასვლისას იგი ხვდება პიჩს — მხიარულ და კეთილ ბიჭს, რომელიც მის გარდაცვლილ მეგობართან ახლოს იყო. მიუხედავად იმისა, რომ ერთმანეთისთვის სრულიად უცხო ადამიანები არიან, მათ შორის ნელ-ნელა განსაკუთრებული კავშირი ყალიბდება.

თუმცა იონგ-ჯუნი მალევე აღმოაჩენს, რომ ყველაფერი ისე არ არის, როგორც ერთი შეხედვით ჩანს. წარსულში მომხდარი მოვლენები, დაუმთავრებელი გრძნობები და იდუმალი გარემოებები ერთმანეთში ირევა, ხოლო რეალობასა და ზებუნებრივ სამყაროს შორის ზღვარი თანდათან ქრება. ორივე ახალგაზრდა ცდილობს გაარკვიოს სიმართლე და პასუხები იპოვოს კითხვებზე, რომლებიც წარსულიდან მოჰყვებათ.