სკოლის მასწავლებლებს მოსწავლეების დისციპლინირება უჭირთ და ხშირად ამის სურვილიც კი არ აქვთ. კლასში მასწავლებლების ავტორიტეტი ილახება, რაც სერიოზულ სოციალურ პრობლემებს იწვევს. ეროვნული ასამბლეა და განათლების მინისტრი მასწავლებლების უფლებათა დაცვის კანონს იღებენ. კანონის მიღებასთან ერთად, ყალიბდება ახალი სამთავრობო ორგანიზაცია, "საგანმანათლებლო უფლებების დაცვის ბიურო". ნა ჰვაჯინი ამ ბიუროს წევრია. მისი გუნდი, ზედამხედველების სტატუსით, სხვადასხვა პრობლემურ სკოლებში იგზავნება. იქ მათ შეუძლიათ მოსწავლეები ყოველგვარი შეზღუდვების გარეშე აღზარდონ და ჭკუა ასწავლონ.

როცა უნიკალური თვისება სხვისი სურვილის საგანი ხდება… შეძლებს კი გადარჩენისთვის ბრძოლასა და თანდათანობით გაღვივებულ გრძნობებს შორის მომწყვდეული სიყვარული აყვავებას, თუ იქამდე მოწყვეტენ, სანამ ფურცლებს გამოისხამს?

კორეაში სამხედრო მოვალეობის მოხდა ყველა კაცს უწევს, მაგრამ მხოლოდ მათ მცირე ნაწილს, მაგალითად პრივილეგირებულ სამედიცინო სფეროში მოღვაწეებს აქვთ იმის საშუალება, რომ საჯარო ჯანდაცვის ექიმებად იმსახურონ. ერთ-ერთი მათგანია დო ჯიუც, პლასტიკური ქირურგი, რომელსაც კუნძულ ფიონდონში გაამწესებენ. კაცს წყლის ეშინია და საერთოდ არაა ამ გადაწყვეტილებით კმაყოფილი, მაგრამ სხვა გზა არ აქვს. გაუძლებს თუ არა ის ამ კუნძულზე ცხოვრებასა და მისი მაცხოვრებლების თავისებურებას?

ჩოსონის ეპოქის ცნობილი და ამბიციური ქალი, კან დანშიმი, სასახლეში ინტრიგებისა და ძალაუფლების თამაშების გამო სიკვდილით დასაჯეს. თუმცა მისი ისტორია ამით არ სრულდება — სიკვდილის შემდეგ იგი მოულოდნელად 2026 წლის სეულში იღვიძებს, უცნობი და წარუმატებელი მსახიობის, შინ სორის სხეულში. თანამედროვე სამყაროში მოხვედრილი დანშიმი ცდილობს ახალ რეალობას შეეგუოს, მაგრამ მისი მკვეთრი ხასიათი, ჩოსონის დროინდელი ჩვევები და დაუნდობელი ბუნება მუდმივად პრობლემებს ქმნის. სწორედ ამ დროს კვეთს გზებს ჩა სეგიესთან — ცივ, ამპარტავან და გავლენიან ჩებოლის მემკვიდრესთან, რომელიც ყველაფერს ძალაუფლებისა და წარმატებისთვის აკეთებს. მათი ურთიერთობა თავიდანვე დაპირისპირებით, კამათითა და მუდმივი კონკურენციით იწყება, თუმცა დროთა განმავლობაში ერთმანეთის მიმართ მოულოდნელი გრძნობები უჩნდებათ. ამავდროულად, დანშიმი ცდილობს გაიგოს, რატომ მიეცა მეორე სიცოცხლე და შეძლებს თუ არა საკუთარი ბედისწერის შეცვლას.

თინეიჯერობისას უ სუბინი და ჯუ იჯე ერთად კინორეჟისორობაზე ოცნებობდნენ, მაგრამ 19 წლის ასაკში სუბინი მოულოდნელად წავიდა. წლების შემდეგ ის წარმატებული, საერთაშორისო აღიარების მქონე რეჟისორი ხდება და სამხრეთ კორეაში ბრუნდება, რათა კვლავ შეხვდეს იჯეს.

ამასობაში, იჯემ ოცნება რეალობის გამო მიატოვა და ახლა ტელერეპორტიორად მუშაობს. სუბინის დაბრუნება მას დავიწყებულ ოცნებებსა და წარსულ სიყვარულს კვლავ გაახსენებს.

არაჩვეულებრივი ნიჭით დაჯილდოებული სულთა მბრძანებელი, ხე სიმუ, განტვირთვისა და საზრდოს ძიებისას მოულოდნელად ახალგაზრდა გენერალს, დუან სიუს გადაეყრება. გენერალს თან ისეთი ნივთი აქვს, რომელიც ხე სიმუს წარსულიდან ნაცნობ პიროვნებას ეკუთვნოდა, თუმცა მალევე ირკვევა, რომ მებრძოლი სინამდვილეში ის არ არის, ვისადაც თავს ასაღებს. ერთმანეთის გამოცდისა და ფრთხილი საუბრების მიღმა, ხე სიმუ ნელ-ნელა ფარდას ხდის დუან სიუს გულში ჩამარხულ ბნელ წარსულსა და იმ ფარულ მისწრაფებებს, რომელთაც იგი ასე გულმოდგინედ მალავს. თავის მხრივ, დუან სიუც აღმოაჩენს იმ საოცარ სიმტკიცესა და უსაზღვრო მარტოობას, რომელსაც ხე სიმუ საუკუნეების მანძილზე მედგრად უძლებდა. მიუხედავად იმისა, რომ მოკვდავის სიცოცხლე წამიერია და ას წელიწადსაც ძლივს აღწევს, ოთხასი წლის სული კი კვლავინდებურად ნორჩი გოგონას სახეს ინარჩუნებს, მათი სიყვარული ჟამთა შეუვალ სვლასა და დროს აღუდგა წინ.

სერიალი მოგვითხრობს გავლენიანი ოჯახების მემკვიდრეების ცხოვრებასა და ურთიერთობებზე. სიუჟეტი კი კიმ თანისა და ჩა უნსანის გარშემო ტრიალებს. მათი გზები პირველად ამერიკაში იკვეთება. მიუხედავად განსხვავებული სოციალური სტატუსისა, მათ შორის გრძნობები ჩნდება, თუმცა რეალობა დაშორებას აიძულებს. სამშობლოში დაბრუნებული კიმ თანი აღმოაჩენს, რომ უნსანი დედასთან ერთად მის მდიდრულ სახლში მუშაობს და ცხოვრობს, რაც მათ შორის აკრძალული, სოციალური ბარიერებით სავსე სასიყვარულო ისტორიას უდებს საფუძველს

სერიალის მე-3 სეზონი

გაყიდვების დეპარტამენტის უფროსი ლალი ცდილობს, საბუღალტრო დეპარტამენტის უფროსს - ვაინს აჯობოს. ორი ქალი ერთმანეთისგან სრულებით განსხვავდება, ლალი მეგობრული და გამგებია, ვაინი კი თავისი დაუნდობლობით არის ცნობილი. ერთხელაც, სამსახურეობრივი შეხვედრის შემდეგ, მათ შორის ნაპერწკალი ჩნდება, რასაც ისინი ინტიმურ კავშირამდე მიჰყავს. ქალები ერთმანეთს ჰპირდებიან რომ ამ ურთიერთობას საიდუმლოდ შეინახავენ, და სამსახურში ყველას მტრებად მოაჩვენებენ თავს.

ამბავი მოგვითხრობს ო მირიზე, გოგონაზე, რომელიც სიყვარულსა და მეგობრობას შორისაა გაჭედილი.

თუსა და ვიშის ისტორია, როცა უნივერსიტეტის დამთავრების შემდეგ, ერთად იწყებენ ცხოვრებას.

ამბავი სკოლის მოსწავლეებზე.

მე-20 საუკუნის დასაწყისში, ჩინურ სამხედრო ძალებს მოუწიათ სისხლისმღვრელ ომში ჩაბმა იაპონურ არმიასთან. მთავრობა ჯარში იწვევს ახალგაზრდა ყმაწვილებს, მაგრამ ახალგაზრდა ქალს სახელად შიე ლიანჩენსაც უნდა ჯარში წავიდეს. იგი გარეგნობას სრულიად შეიცვლის და საბოლოოდ მოხვდება არსენალის სამხედრო აკადემიაში, შანხაიში. შიე ლიანჩენი შეხვდება ერთ მდიდარ განებივრებულ ბიჭს, გუ იანძენს. ისინი არსენალის სამხედრო აკადემიაში ერთად მოხვდებიან.
შეუყვარდებათ მათ ერთმანეთი? და შეძლებენ ომის და სიყვარულის ერთმანეთთან შეთავსებას?

ტრაგედია თინეიჯერი მეგობრების ურთიერთობის შესახებ. რთული გადაწყვეტილებები, გულის ხმის მოსმენა და წესების დაცვა.

ჩონგ ჰო-ვონი ახალგაზრდა მამაკაცია, რომლის ცხოვრება მოულოდნელად იცვლება, როდესაც იურიდიული გაუგებრობის გამო პატარა ბიჭის კანონიერი მამა ხდება. მიუხედავად იმისა, რომ ბავშვთან არანაირი ნათესაური კავშირი არ აქვს, შექმნილი გარემოებების გამო იძულებულია პასუხისმგებლობა საკუთარ თავზე აიღოს და სრულიად ახალ ცხოვრებას შეეგუოს.

ჯონგ ჰი-რამი და მისი მეგობრები საშუალო სკოლის დასრულების შემდეგ უნივერსიტეტისა და ზრდასრული ცხოვრების ზღურბლზე დგანან. მათთვის ეს პერიოდი სავსეა ახალი გამოცდილებით, პირველ სიყვარულთან, ურთიერთობებთან და საკუთარი თავის შეცნობასთან დაკავშირებული ემოციებით. თუმცა, რაც უფრო მეტად ცდილობენ დამოუკიდებელი გადაწყვეტილებების მიღებას, მით უფრო ხშირად აწყდებიან რეალობის სირთულეებს.

ჩენ სი ახალგაზრდა და ნიჭიერი სცენარისტია, რომლის ცხოვრება მოულოდნელად იცვლება იმ ღამეს, როდესაც ცაზე იდუმალი კომეტა გამოჩნდება. უცნაური მოვლენის შემდეგ იგი აღმოაჩენს, რომ პარალელურ სამყაროებს შორის გადაადგილება შეუძლია, სადაც ერთი და იმავე ადამიანების სრულიად განსხვავებული ვერსიები არსებობენ.

ერთ-ერთ ასეთ სამყაროში იგი ხვდება ცივ და იდუმალ მეწარმეს, ლინ სენს, რომელიც საოცრად ჰგავს მამაკაცს, რომელსაც საკუთარ სამყაროში იცნობდა, თუმცა სრულიად განსხვავებული ხასიათი აქვს. რაც უფრო ხშირად კვეთენ ერთმანეთის გზებს სხვადასხვა რეალობაში, მით უფრო რთული ხდება იმის გარკვევა, სად მთავრდება რეალობა და სად იწყება ბედისწერის თამაში.

და-ეუნი ჩვეულებრივი კაფის თანამშრომელია, რომელსაც ყოველთვის მშვიდი და შეუმჩნეველი ცხოვრება ჰქონდა. ერთ დღეს იგი შემთხვევით ხვდება იუ ჯი-ჰანს — პოპულარული აიდოლ ჯგუფის წევრს, რომლის გარეგნობაც საოცრად ჰგავს მას. ამავე დროს, ჯი-ჰანის შეყვარებული, ცნობილი მსახიობი ჯონგ და-უნი, ასევე მისი ორეული აღმოჩნდება.

მოულოდნელი გარემოებების გამო, ორი ერთმანეთის მსგავსი გოგონა გადაწყვეტს, შვიდი დღით ადგილები გაცვალოს. და-ეუნს უწევს ვარსკვლავის დატვირთული ცხოვრებით ცხოვრება, ხოლო და-უნი პირველად აგემოვნებს ჩვეულებრივი ადამიანის მშვიდ ყოველდღიურობას. თუმცა, რაც უფრო დიდხანს გრძელდება ეს თამაში, მით უფრო რთული ხდება საიდუმლოს შენარჩუნება.

ჰიაკაოს კერძო აკადემიაში მოსწავლეების სტატუსსა და გავლენას აკადემიური მოსწრება კი არა, აზარტულ თამაშებში გამარჯვება განსაზღვრავს. ყველაზე წარმატებულები ძალაუფლებასა და პრივილეგიებს ფლობენ, ხოლო დამარცხებულები ვალებში ეფლობიან და სკოლის ელიტის ბრძანებების შესრულება უწევთ.

ამ უჩვეულო გარემოში ახალ მოსწავლედ გადმოდის იუმეკო ჯაბამი — ერთი შეხედვით თავაზიანი და მშვიდი გოგონა, რომელიც მალევე ყველას აოცებს. თუმცა მისი მიზანი ფული ან ძალაუფლება არ არის. იუმეკოს ნამდვილი გატაცება თავად რისკია. იგი დაუნდობლად ერთვება ყველაზე სახიფათო თამაშებში და სიამოვნებას იღებს იმ დაძაბულობით, რომელსაც სიცოცხლისა და ბედის სასწორზე დადება იწვევს.

ბართი ახალ სკოლაში, ახალგაზრდთა სემინარიაში ახალი მოსწავლეა. თენლა კი გამორჩეული მოსწავლეა- მას სთხოვენ იზრუნოს ბართზე და სწორ გზაზე დააყენოს. თუმცა, ბართის არსებობა უნებლიედ გამოცდად ექცევა თენლას, რადგან ის ცდილობს თავისი თანდაყოლილი გრძნობები, რწმენასა და მომავალთან დაკავშირებულ შიშებს შეუთავსოს.

ბექ ჩანმი ოდესღაც ეროვნული სადაზვერვო სამსახურის ერთ-ერთი საუკეთესო აგენტი იყო, მაგრამ წარუმატებელი ოპერაციის შემდეგ მისი კარიერა დაღმასვლის გზას დაადგა. როდესაც საერთაშორისო ტექნოლოგიური კომპანიის ირგვლივ საეჭვო საქმე იწყება, მას მოულოდნელად კიდევ ერთი შანსი ეძლევა.

ჩანმი ორ აგენტთან ერთად — ყოფილი საველე აგენტი იმ იე-უნი და ცივი, პროფესიონალი ჰვან მისუნი — ფარულ მისიაში ერთვება. მათ კორპორაციაში თანამშრომლების სახით უნდა შეაღწიონ და სამრეწველო ჯაშუშობის უკან მდგომი ორგანიზაცია გამოავლინონ.

ლი სუნმინი მშვიდი და შეუმჩნეველი სკოლის მოსწავლეა, რომელიც ყოველთვის ცდილობს პრობლემებსა და ზედმეტ ყურადღებას თავი აარიდოს. მისი ცხოვრება მოულოდნელად იცვლება, როდესაც ო ჰანა — სკოლის ყველაზე პოპულარული, ლამაზი და გავლენიანი გოგონა — მოულოდნელ შეთავაზებას აძლევს: გარკვეული დროით მისი ყალბი შეყვარებული გახდეს.