სერიალი მოგვითხრობს გავლენიანი ოჯახების მემკვიდრეების ცხოვრებასა და ურთიერთობებზე. სიუჟეტი კი კიმ თანისა და ჩა უნსანის გარშემო ტრიალებს. მათი გზები პირველად ამერიკაში იკვეთება. მიუხედავად განსხვავებული სოციალური სტატუსისა, მათ შორის გრძნობები ჩნდება, თუმცა რეალობა დაშორებას აიძულებს. სამშობლოში დაბრუნებული კიმ თანი აღმოაჩენს, რომ უნსანი დედასთან ერთად მის მდიდრულ სახლში მუშაობს და ცხოვრობს, რაც მათ შორის აკრძალული, სოციალური ბარიერებით სავსე სასიყვარულო ისტორიას უდებს საფუძველს

სო ჯი-ვონი წარმატებული ვებტუნის ავტორია, რომელიც ოცდაათი წლის ასაკში ხვდება, რომ ცხოვრება ყოველთვის ისე არ ვითარდება, როგორც ახალგაზრდობაში წარმოედგინა. კარიერაში წარმატების მიუხედავად, სიყვარული, მეგობრობა და პირადი ურთიერთობები მისთვის ჯერ კიდევ რთულ გამოწვევად რჩება.

მისი ცხოვრება მოულოდნელად იცვლება, როდესაც ახალ პროექტზე მუშაობისას კვლავ ხვდება პირველ სიყვარულს — ლი სეუნ-იუს, რომელიც ახლა წარმატებული კინოპროდიუსერია. წარსულში დაუმთავრებელი გრძნობები და მოგონებები მათ შორის კვლავ ცოცხლდება, თუმცა ორივე უკვე განსხვავებული ადამიანები არიან და წარსულის შეცდომებთან გამკლავება უწევთ.

ამავდროულად, ჯი-ვონი და მისი ორი უახლოესი მეგობარი ცდილობენ კარიერას, სიყვარულსა და პირად ცხოვრებას შორის ბალანსის პოვნას. ოცდაათი წლის ასაკში ისინი აცნობიერებენ, რომ ზრდასრულობა ყველა კითხვაზე პასუხის პოვნას არ ნიშნავს და რომ ბედნიერებისკენ გზა ხშირად მოულოდნელი გადაწყვეტილებებითა და ახალი დასაწყისებით არის სავსე.

სამხედრო ვალის აღსასრულებლად რამდენიმე ექიმს მოუწევს სამედიცინო გემზე ასვლა, რათა კუნძულის ხალხს სამედიცინო მომსახურეობა გაუწიონ.
ძლიერი და გამოცდილი ქირურგი სონ უნჯე, თერაპევტი კვაკ ჰიონი, რომელიც თავისი სურვილით მოხალისეობს, ჯე გოლი, გამაღიზიანებელი ტრადიციული კორეული მედიცინის სპეციალისტი და კიდევ სხვა ... ისინი ერთ სივრცეში ხვდებიან და ცდილობენ, რაც შეიძლება მეტ პაციენტს დაეხმარონ და მათი ცხოვრება გააუმჯობესონ.