სერიალი მოგვითხრობს კონტრაქტით დაოჯახებულ წყვილზე ჰი ჩიაოიანზე, ჰეშის ჯგუფის დირექტორსა და იუეზე, ბავშვთა ფსიქოლოგზე. მათი ქორწინების მიზეზია პატარა შიაობაო, რომელსაც დედის მზრუნველობა აკლია. ამ ყველაფერს კი ჰი ჩიაოიანის წარსულის საიდუმლოც ემატება.
არაჩვეულებრივი ნიჭით დაჯილდოებული სულთა მბრძანებელი, ხე სიმუ, განტვირთვისა და საზრდოს ძიებისას მოულოდნელად ახალგაზრდა გენერალს, დუან სიუს გადაეყრება. გენერალს თან ისეთი ნივთი აქვს, რომელიც ხე სიმუს წარსულიდან ნაცნობ პიროვნებას ეკუთვნოდა, თუმცა მალევე ირკვევა, რომ მებრძოლი სინამდვილეში ის არ არის, ვისადაც თავს ასაღებს. ერთმანეთის გამოცდისა და ფრთხილი საუბრების მიღმა, ხე სიმუ ნელ-ნელა ფარდას ხდის დუან სიუს გულში ჩამარხულ ბნელ წარსულსა და იმ ფარულ მისწრაფებებს, რომელთაც იგი ასე გულმოდგინედ მალავს. თავის მხრივ, დუან სიუც აღმოაჩენს იმ საოცარ სიმტკიცესა და უსაზღვრო მარტოობას, რომელსაც ხე სიმუ საუკუნეების მანძილზე მედგრად უძლებდა. მიუხედავად იმისა, რომ მოკვდავის სიცოცხლე წამიერია და ას წელიწადსაც ძლივს აღწევს, ოთხასი წლის სული კი კვლავინდებურად ნორჩი გოგონას სახეს ინარჩუნებს, მათი სიყვარული ჟამთა შეუვალ სვლასა და დროს აღუდგა წინ.
ზან ჯინმეი გადადის ელიტარულ სკოლაში, თუმცა პირველივე დღეს, სამწუხაროდ, წააწყდება "კამპუსის სატანას" - ლონ რი იის. მათი სიყვარული ერთი დიდი ორთაბრძოლაა. ამ ურთიერთობამ კი სკოლაში უზარმაზარი ტალღა შექმნა, რამაც საბოლოოდ დრაკონსა და ოჯახს შორის ურთიერთობა დახვეწა.
