სერიალი მოგვითხრობს გავლენიანი ოჯახების მემკვიდრეების ცხოვრებასა და ურთიერთობებზე. სიუჟეტი კი კიმ თანისა და ჩა უნსანის გარშემო ტრიალებს. მათი გზები პირველად ამერიკაში იკვეთება. მიუხედავად განსხვავებული სოციალური სტატუსისა, მათ შორის გრძნობები ჩნდება, თუმცა რეალობა დაშორებას აიძულებს. სამშობლოში დაბრუნებული კიმ თანი აღმოაჩენს, რომ უნსანი დედასთან ერთად მის მდიდრულ სახლში მუშაობს და ცხოვრობს, რაც მათ შორის აკრძალული, სოციალური ბარიერებით სავსე სასიყვარულო ისტორიას უდებს საფუძველს

შენ ჰოიუნი ღმერთია, რომელსაც ადამიანების ბედი აბარია. მისი სამუშაო მოკვდავთა ბედისწერის განსაზღვრაა. თუმცა, როცა საქმე რომანტიკულ ბედს ეხება, მათ დასაწერად სცენარისტ გო ჩეკიონის იდეებით ხელმძღვანელობს. ჩეკიონი დრამების სცენარისტია და გადამეტებულად რომანტიკული სცენარებითაა ცნობილი. ჰოიუნი მიზნად დაისახავს ჩეკიონს შესაფერისი წყვილი მოუძებნოს და მისი სასიყვარულო ცხოვრება დაალაგოს, თუმცა თავად უყვარდება ის...

კიმ შინი ერთ დროს გორიოს სამხედრო ძალებში დაუმარცხებელი გენერალი იყო, რომელიც ტრაგიკული სიკვდილით გარდაიცვალა. ახლა ის უკვდავებას ფლობს, მაგრამ დაიღალა ცხოვრებით, რადგან მის გარშემო ყველა ნაცნობი გარდაიცვალა. 900 წლის განმავლობაში კიმ შინი ეძებდა თავის პატარძალს, მოკვდავს, რომელსაც ხმლის ამოღება და მისი სიცოცხლის დასრულება შეუძლია. ერთ დღეს, ის შეხვდება ჯი იუნ-ტაკს, საშუალო სკოლის პოზიტიურ, ოპტიმისტურ სტუდენტს, რომელიც გარდაცვლილებს ხედავს და ტრაგიკული მოვლენებიც განიცადა, თუმცა მაინც ძლიერი რჩება. იგი აცხადებს, რომ გობლინის პატარძალია, რომელსაც შეუძლია დაასრულოს მისი უკვდავი სიცოცხლე. თითქოსდა მარტივი დავალება, მაშინ რთულდება, როცა ის ჭეშმარიტ სიყვარულში გადაიზრდება.

მისტერ სანშაინი მოგვითხრობს მსახურის ოჯახში დაბადებულ კორეელ ბიჭზე, რომელიც სახლიდან გაიქცა და ამერიკულ საბრძოლო გემზე აღმოჩნდა. ის მოგვიანებით ბრუნდება სამშობლოში როგორც ამერიკელი საზღვაო ოფიცერი. ბედის ირონიით, შეუყვარდება არისტოკრატის ქალიშვილი და აღმოაჩენს კოლონიზაციის ბინძურ სქემას იმ ქვეყნისა, საიდანაც ერთხელ უკვე გაიქცა.