ჩა იური უკვე 5 წელია მოჩვენებაა, მას შემდეგ რაც ავტოავარიაში გარდაიცვალა. რეინკარნაციის წყალობით მას შანსი მიეცა გამხდარიყო ადამიანი, თუ 49 დღეში საკუთარ ადგილს დაიბრუნებდა. თუმცა მისი ქმარი, ჩო განგჰვა, უკვე დაოჯახებულია, იური ვალდებულია აირჩიოს ან საკუთარი, ან ქმრის ბედნიერება.

„ყველაფერი კარგადაა, ეს სიყვარულია“ არის მენტალურად ავადმყოფი ადამიანების ისტორია, რომლებმაც ისწავლეს საკუთარი თავის მიღება სხვისი დახმარებით. დრამა გვიჩვენებს, რომ გვერდით უნდა დავუდგეთ საზოგადოებისგან გარიყულ ადამიანებს. რადგან ისინიც ადამიანები არიან... არასრულყოფილები, დაბნეულები... მაგრამ ისინიც იმსახურებენ თანაბარ სიყვარულს და პატივისცემას.ემდგარი, მომხიბვლელი და დამაფიქრებელი სიუჟეტის გარდა, ამ დრამაში მსახიობების წარმოუდგენელ პერფორმანსებს იხილავთ, რომელიც გულგრილს არავის დაგტოვებთ.

როდესაც ბავშვები იყვნენ, იუნ ნა-მუ და გილ ნაკ-ვონი ერთმანეთის პირველი სიყვარულები იყვნენ, მაგრამ გზების გაყოფა მოუწიათ მაშინ, როდესაც ნა-მუს მამამ, ფსიქოპატმა მკვლელმა, ნაკ-ვონის მშობლები მოკლა. 9 წლის მერე იუნ ნა-მუ ახალი სახელით - ჩე დო ჯინით ცხოვრობს და დამწყები დეტექტივია, რომელიც ცდილობს რომ მამამისის ცოდვები გამოისყიდოს. გილ ნაკ-ვონი კი ჰან ჯე-ი გახდა, მსახიობი, რომელიც გარდაცვლილი დედამისის კარიერულ გზას დაადგა. ის პანიკური შეტევებისგან იტანჯება, მაგრამ მაინც ცდილობს, ცხოვრებას პოზიტიურად შეხედოს. სამწუხაროდ მათი წარსულის ტკივილი ისევ თავს იჩენს და მათი მოკლევადიანი შეხვედრა სრულდება. ისევ სამი წელი გადის, ახლა ჯე-ი ცნობილი მსახიობია, დო-ჯინი კი გამოცდილი დეტექტივი. ბედი მათ კიდევ ერთხელ ახვედრებთ, შეუძლია მათ სიყვარულს, რომ წარსულზე ძლიერი იყოს?