მე ვარ მეფე

ფილმში ასახულია სამი თვე ჩუნნიონის ცხოვრებიდან მის გამეფებამდე. ჩოსონის დინასტიის ისტორიაში გამოტოვებულია ამ გადამწყვეტი პერიოდის ჩანაწერები. მიუხედავად იმისა, რომ მომავალი თაობები მას მეფე სეჯონის სახელით გაიცნობდნენ, ლეგენდარულ ფიგურას, რომელმაც შექმნა კორეული ანბანი და წინ წაიყვანა ქვეყნის სამეცნიერო კვლევები და კანონმდებლობა, პრინცი ჩუნნიონი თავდაპირველად გარიყულ წიგნის ჭიად ითვლებოდა. როცა მისმა უფროსმა ძმებმა, იანნიონმა და ჰიორიონმა, მეფე თეჯონზე შთაბეჭდილება ვერ მოახდინეს, მეფემ ბრძანა, რომ ტახტი ჩუნნიონს დაეკავებინა. მოულოდნელად ტახტის მემკვიდრედ დანიშნული უფლისწული ჩუნნიონი სასახლიდან გარბის, რათა დამამძიმებელ ტიტულს თავი დააღწიოს. გზად ხვდება მონას, რომელიც გაჭრილი ვაშლივით ჰგავს, და ბედის ირონიით ადგილებს იცვლიან, უფლისწული მონის ადგილას აღმოჩნდება, მონა კი ტახტის მემკვიდრის ადგილს იკავებს.