„ყველაფერი კარგადაა, ეს სიყვარულია“ არის მენტალურად ავადმყოფი ადამიანების ისტორია, რომლებმაც ისწავლეს საკუთარი თავის მიღება სხვისი დახმარებით. დრამა გვიჩვენებს, რომ გვერდით უნდა დავუდგეთ საზოგადოებისგან გარიყულ ადამიანებს. რადგან ისინიც ადამიანები არიან... არასრულყოფილები, დაბნეულები... მაგრამ ისინიც იმსახურებენ თანაბარ სიყვარულს და პატივისცემას.ემდგარი, მომხიბვლელი და დამაფიქრებელი სიუჟეტის გარდა, ამ დრამაში მსახიობების წარმოუდგენელ პერფორმანსებს იხილავთ, რომელიც გულგრილს არავის დაგტოვებთ.
ჰვან დონი კინემატოგრაფიის ფაკულტეტზე სწავლობს, სადიპლომო პროექტისთვის კი ფილმის გადაღება სჭირდება, რომლის რეჟისორიც თავად იქნება. მონდომების მიუხედავად, ეს არც ისე მარტივია მისთვის, ამიტომაც დახმარებას თავის ყოფილ შეყვარებულს სთხოვს. მას მთავარი როლის შესრულებას სთავაზობს. ნაჩვენებია ძველი ურთიერთობის კვალი, ცხოვრების რთული პერიოდი და მიზნები, რომლებიც გვამოძრავებს. სერიალი თანაბრად მხიარული და დამაფიქრებელია.
ჯი იონ-ჰი 23 წლის მორცხვი და ინტროვერტი გოგონაა, რომელსაც პაემნების არანაირი გამოცდილება არ აქვს და წითლდება იმასთან ლაპარაკის დროს, ვინც მოსწონს. ერთ დღეს მის მეზობლად ოთხი ახალგაზრდა ბიჭი გადმოდის - ისინი აღმოჩნდებიან იონ-ჰის საყვარელ ჯგუფ EXO-ს წევრები.
