ჰო მუნო წარუმატებელი მწერალი და კორეული ლიტერატურის პროფესორია უნივერსიტეტში. ყველაფერი მაშინ იცვლება, როცა ბოლო რიგში მჯდომ სტუდენტის - ი კანის მწერლობის ნიჭს აღმოაჩენს და მას ინდივიდუალურ გაკვეთილებს შესთავაზებს. მუნოს იმედი აქვს, რომ ბიჭს სწორ გზაზე დააყენებს და წარმატებულ მომავალს შეუქმნის, თუმცა მოულოდნელად ის ი კანის ისტორიებში, ქაოსსა და მანიპულაციაში ისე ეხვევა, რომ ვერც კი იგებს.

მევახშეებიისგან თავის დაღწევის შემდეგ გონუ ახლა უფრო მოტივირებულია, რომ ოცნება აისრულოს და კრივის ჩემპიონი გახდეს - ამ დროს ვუჯინი მის გვერდით დგას, როგორც მისი მწვრთნელი და ძვირფასი ადამიანი. უამრავი ბრძოლის შემდეგ გონუ ბოლოს და ბოლოს ნანატრ წარმატებას მიაღწევს, თუმცა მოულოდნელად ჩნდება ახალი საფრთხე- ბეკ ჯონის სახით, რომელიც მიწისქვეშა კრივის ლიგას მართავს და დაუნდობლად ამარცხებს მოქმედ ჩემპიონებს- მათ შორის კი მისი შემდეგი სამიზნე გონუ ხდება. ისინი სასტიკ ბრძოლაში ამოყოფენ თავს, რათა დაიცვან ადამიანები და პრინციპები, რომლებიც მათთვის ყველაზე მნიშვნელოვანია.

როდესაც ბავშვები იყვნენ, იუნ ნა-მუ და გილ ნაკ-ვონი ერთმანეთის პირველი სიყვარულები იყვნენ, მაგრამ გზების გაყოფა მოუწიათ მაშინ, როდესაც ნა-მუს მამამ, ფსიქოპატმა მკვლელმა, ნაკ-ვონის მშობლები მოკლა. 9 წლის მერე იუნ ნა-მუ ახალი სახელით - ჩე დო ჯინით ცხოვრობს და დამწყები დეტექტივია, რომელიც ცდილობს რომ მამამისის ცოდვები გამოისყიდოს. გილ ნაკ-ვონი კი ჰან ჯე-ი გახდა, მსახიობი, რომელიც გარდაცვლილი დედამისის კარიერულ გზას დაადგა. ის პანიკური შეტევებისგან იტანჯება, მაგრამ მაინც ცდილობს, ცხოვრებას პოზიტიურად შეხედოს. სამწუხაროდ მათი წარსულის ტკივილი ისევ თავს იჩენს და მათი მოკლევადიანი შეხვედრა სრულდება. ისევ სამი წელი გადის, ახლა ჯე-ი ცნობილი მსახიობია, დო-ჯინი კი გამოცდილი დეტექტივი. ბედი მათ კიდევ ერთხელ ახვედრებთ, შეუძლია მათ სიყვარულს, რომ წარსულზე ძლიერი იყოს?