ამბავი ვითარდება მთის ხეობაში, სადაც კარტოფილის ლაბორატორია მდებარეობს და გვიამბობს, უცნაური, ზრდასრული ადამიანების სასიამოვნო ისტორიას. კიმ მიკიონი - გამოცდილი კარტოფილის მკვლევარია, ხოლო, სო ბეკჰო, ახლად დანიშნული კარტოფილის ლაბორატორიის დირექტორი. მათი შეხვედრები კამათითა და დაპირისპირებით სავსეა. თუმცა, ეს დაძაბულობა ნელ-ნელა მიზიდულობაში გადაიზრდება. ეს არის თბილი, რომანტიკული ისტორია, რომელიც გვახსენებს, რომ სიყვარული ყველაზე უცნაურ ადგილებშიც კი შეიძლება გაჩნდეს. 

ტაიგა ჰასეგავა უნივერსიტეტში მორბენალთა გუნდის წევრი იყო, თუმცა დაბალი აკადემიური მოსწრების გამო სპორტს თავი დაანება. ახლა ის პატარა რესტორანში ნახევარ განაკვეთზე მუშაობს. ამავდროულად, პაკ რინი სამხრეთკორეელი მაგისტრანტია, რომელიც იაპონიაში ანიმაციას სწავლობს. თუმცა მოულოდნელად იღებს შეტყობინებას, რომ მისი საერთო საცხოვრებელი გარემონტებას საჭიროებს და სასწრაფოდ სჭირდება საცხოვრებელი ადგილის პოვნა. სწორედ ამ დროს, პაკ რინი შემთხვევით მიდის რესტორანში, სადაც ტაიგა ჰასეგავა მუშაობს.

ფიმი პატარა იყო, როდესაც მამამისის ცოლმა დედა თვალწინ მოუკლა,
მამამ კი ფიმი საზღვარგარეთ გააგზავნა.
წლების შემდეგ, ის ტაილანდში შურისმაძიებლად ბრუნდება, იქ კი მტრულად განწყობილი ნახევარ და-ძმა ელოდება, რომლებიც მემკვიდრეობის გამო ებრძვიან.
თენი პოლიციის კაპიტანია, რომელსაც კორუფციაში დასდეს ბრალი და საქმის გამოძიების დასრულებამდე თანამდებობიდან მოხსნეს.
ფიმი და თენი პირველად ავტოსაგზაო შემთხვევის დროს შეხვდებიან ერთმანეთს, როდესაც ფიმი თენის მოტოს მანქანით დაეჯახება.
მეორედ შეხვედრის დროს კი, თენი ფიმს სიკვდილისგან იხსნის, როდესაც მას რამდენიმე კაციანი, ხელკეტებით შეიარაღებული გუნდი დაესხმება თავს. ფიმი შენიშნავს, რომ თენი საოცრად კარგად იბრძვის და შესთავაზებს, რომ მისი პირადი მცველი გახდეს, რადგან წინ საკმაოდ სახიფათო თამაში ელის.

წლების წინ დოკის დედა სერიულმა მკვლელმა მოკლა, რის გამოც კაცი წლები აგონიაში ცხოვრობდა.
ახლა ის ტაქსის კომპანია 'ცისარტყელაში' ტაქსისტად მუშაობს. 'ცისარტყელა' სხვა კომპანიებისგან განსხვავდება - თანამშრომელთა გუნდი ერთხმად ირჩევს უკანონობის მსხვერპლებს და მათ ნაცვლად შურისძიებას იწყებს, ასე ცდილობენ დოკი და მისი თანამშრომლები იმ სამართლის აღსრულებას, რომლის აღსრულებაც ქვეყნის კანონმდებლობამ ვერ შეძლო.

დრამატული ისტორია მკვლელსა და პრინცს შორის არსებულ საბედისწერო კავშირზე. მათი გზები მაშინ გადაიკვეთა, როცა პრინცმა სიაო შუჰემ სიკვდილს გადაარჩინა მკვლელი დუან ძიანი. თუმცა, საყვარელი ადამიანის დასაცავად, ძიანი იძულებული გახდა გაუჩინარებულიყო და გრძნობები დაემალა. ​წლების შემდეგ ბედისწერა მათ კვლავ აპირისპირებს: ძიანი სამეფო ტახტზე დაბრუნებული მრისხანე იმპერატორია, პრინცი კი — მეტოქე მხარის მმართველი. ომისა და პოლიტიკური ამბიციების ფონზე, მათ მოუწევთ არჩევანის გაკეთება ძველ სიყვარულსა და ქვეყნის წინაშე არსებულ მოვალეობას შორის.

ჯან ჰესონი ცნობილი მხატვარია, რომელიც ერთ დღეს დაუგეგმავად, თავის სკოლაში ლექციის ჩასატარებლად წავა. სკოლაში, მოგონებებით სავსე ხელოვნების ოთახში კი თავის ძველ რვეულს იპოვის, რომელშიც მისი სკოლის დროინდელი სიყვარულის- ი ვუჯინის გახეული სკეტჩია. გადაწყვეტს ნახატი დაასრულოს, თუმცა როგორც კი ფანქარს ხელს უშვებს, 2008 წლის წარსულში გადადის და ვუჯინს ხელახლა ხვდება. რადგანაც ჰესონმა მომავალი იცის, ცდილობს იგივე შეცდომები არ დაუშვას და ვუჯინს თავს არიდებს. მათი ბავშვობა თავიდან იწყება, თუმცა ნამდვილად შეძლებენ წარსულის შეცვლას და ერთმანეთთან ყოფნას?

უნივერსიტეტში აბსურდული გაერთიანების შედეგად, კომპიუტერული ინჟინერიისა და მოდელირების დეპარტამენტები ერთიანდებიან. ორი დეპარტამენტის სტუდენტები ერთად იწყებენ სწავლას. მოდელირების დეპარტამენტის სტუდენტმა, კან მინჰაკმა, გაცნობის შოუში გამოჩენის შემდეგ მილიონი გამომწერი მოიპოვა სოციალურ ქსელში, მას გარშემომყოფების მოხიბვლის განსაკუთრებული უნარი აქვს.

ჯუ იონსანი კი კომპიუტერული ინჟინერიის დეპარტამენტის საუკეთესო სტუდენტია. პრობლემების სწრაფად გადაჭრა კი შეუძლია, მაგრამ ერთი ფატალური ნაკლი აქვს: თუნდაც ერთი პატარა შეცდომა იყოს, წინსვლაში მაინც ხელს უშლის. მთელი დღეები კომპიუტერთან მუშაობს, ურთიერთობების არავითარი ინტერესი არ აქვს... მოულოდნელად კი ეს ორი რადიკალურად განსხვავებული ადამიანი ერთმანეთის ცხოვრებაში ჩნდება. ნეტავ ეს სტუდენტებს სადამდე მიიყვანთ?

მოდის სამყაროს ვარსკვლავი დიზაინერი სონ ჰარანი, ემოციურად გაყინულ ცხოვრებას ეწევა, სანამ მხიარულ ანიმატორ სონუ ჩანს არ შეხვდება. ერთი შეხედვით იდეალური წყვილის მიღმა, ორივეს წარსულის მძიმე ტრავმები იმალება. მათი მოულოდნელი კავშირი არა მხოლოდ ჰარანის "ზამთარს" ალღობს, არამედ წარმოუდგენელ საიდუმლოს ააშკარავებს.

ჯინჰო გემოვნებიანი და სიმპათიური ახალგაზრდა კაცია, მაგრამ უნაკლო არ არის - ის ეგოისტი და სისუფთავით შეპყრობილია. ერთ დღესაც, თავისი საქმის გამო უწევს, ცნობილ არქიტექტურულ ნამუშევარში გადავიდეს საცხოვრებლად. სახლში პაკ გეინი ცხოვრობს - გულგატეხილი ქალი, რომელიც ახლახან მიატოვეს. ჯინჰოს უწევს თავი გეიდ მოაჩვენოს იმისათვის, რომ პაკ გეინმა მასთან ცხოვრების უფლება მისცეს.

მეგობრები გადაწყვეტენ ერთობლივი ძალებით ჰოსტელი მართონ, თუმცა მათ შორის სხვადასხვა გარემოებების გამო ურთიერთობები აირევა. მიუ, რეი, ბოსტონი და ნამჩუამი ერთმანეთისგან სრულიად განსხვავებული ადამიანები არიან და მათი ისტორიებიც შესაბამისად სხვადასხვა გაკვეთილს გვასწავლის.

სო მირე ვებტუნ-პროდიუსერია, რონელიც რეალობას ვირტუალური პაემნების სიმულატორით გაურბის. მოულოდნელად მიღებული მოწყობილობა საშუალებას აძლევს, იდეალურ სამყაროში გადაეშვას და „ოცნების შეყვარებულებს“ შეხვდეს. ​თუმცა, მისი სიმშვიდე ირღვევა, როდესაც ვირტუალურ იდილიასა და რეალურ სამუშაო გარემოს შორის ზღვარი ქრება. მირეს უწევს დაპირისპირება თავის ნიჭიერ, მაგრამ ცივ კოლეგასთან — პაკ გიონნამთან. შეძლებს თუ არა ის ნამდვილი გრძნობების პოვნას იქ, სადაც ცივი პროფესიონალიზმი და ხელოვნური ილუზია ერთმანეთს კვეთს?

ჯონ იშინი "მანტისის" სახელით ცნობილი სერიული მკვლელია, რომელმაც ათეულობით წლების წინ ხუთი ადამიანი გამოასალმა სიცოცხლეს. მისი შვილი პოლიციის ოფიცერი ჩა სუიოლია- მას დედა მთელი ცხოვრებაა სძულს. ერთ დღეს განყოფილებაში მკვლელობის საქმე შემოვა, რომელიც მანტისის ერთ-ერთი იმიტირებული მკვლელობა აღმოჩნდება. ხოლო დამნაშავის საპოვნელად ჩა სუიოლს დედა, ჯონ იშინი ეხმარება. მკვლელის პოვნასთან ერთად საინტერესოა დედა-შვილის ასეთი ცუდი ურთიერთობა როგორ დასრულდება. 

იუნო ცინიკური გუმიჰოა, რომელსაც მიზნად აქვს დასახული, რომ ადამიანი არასდროს გახდეს. ის ფულის სანაცვლოდ სურვილებს უსრულებს მდიდარ კლიენტებს, მაგრამ ცდილობს, კარგი საქმეების კეთებას თავი აარიდოს. ერთ დღესაც იუნოს გზები იკვეთება შიოლთან - ღარიბ მოსწავლესთან, რომელიც ფეხბურთს საოცრად კარგად თამაშობს, მაგრამ ფინანსური პრობლემების გამო ოცნების ახდენა უჭირს.