ადაჩი კიოში და კუროსავა იუიჩი უკვე ბედნიერი წყვილი არიან და ცდილობენ ურთიერთობა ყოველდღიურ ცხოვრებას შეუთავსონ. ადაჩის კვლავ აქვს განსაკუთრებული უნარი — შეუძლია ადამიანების აზრები წაიკითხოს მათთან შეხებისას, თუმცა ახლა მისი მთავარი საზრუნავი მაგია კი არა, საყვარელ ადამიანთან ერთად მომავლის დაგეგმვაა.

საკურაგაოკას საშუალო სკოლის მოსწავლე ნაცუკი ენომოტო უკვე დიდი ხანია შეყვარებულია თავის ბავშვობის მეგობარზე, იუუ სეტოგუჩიზე. მიუხედავად იმისა, რომ ისინი ყოველთვის ახლოს იყვნენ, ნაცუკი ვერ ბედავს საკუთარი გრძნობების გამხელას და ხშირად სიყვარულის აღიარებას მხოლოდ „ვარჯიშის“ სახელით ეუბნება, რათა ნამდვილი პასუხის მიღების შიში აირიდოს.

დრო გადის, გრძნობები კი უფრო და უფრო ძლიერდება. ამავდროულად, იუუსაც უწევს საკუთარ ემოციებთან გამკლავება, მაშინ როცა მათი მეგობრების ცხოვრებაშიც სიყვარულის, გაუბედაობისა და ურთიერთობების არაერთი ისტორია ვითარდება. თითოეული მათგანი დგას არჩევანის წინაშე — გაბედოს გულის ხმის მიყოლა თუ დაკარგოს ის ადამიანი, რომელიც მისთვის ყველაზე ძვირფასია.

კეი კუნიედა ახალი ამბების წამყვანია, რომელიც გარეგნულად თბილი ჩანს, თუმცა გულში ყველას აძაგებს. მისი ყოველდღიური ცხოვრება მოსაწყენია, თითქოს საკუთარ თავს მალავ, რაც მას შემდეგ იცვლება, როცა უშიო ცუზუკის ხვდება.

გზების გადაღებაზე მომუშავე გადამღები ჯგუფი შორეულ წყალსაცავთან მიემგზავრება, რათა ხელახლა გადაიღოს მასალა, რომელშიც ადრე უცნობი ფიგურა დაფიქსირდა. ერთი შეხედვით ჩვეულებრივი სამუშაო მალევე კოშმარად იქცევა, როდესაც ჯგუფის წევრები კამერებში უცნაურ გამოსახულებებს, იდუმალ სილუეტებსა და აუხსნელ მოვლენებს ამჩნევენ. 

ლი ჩან დონის „პოეზია“/,,Poetry"(2010.წ) ერთ-ერთი ყველაზე ღრმა და ამაღელვებელი ფილმია, რომელიც ადამიანურ ტკივილს, სილამაზესა და საკუთარი თავის ძიებას ეხება.

ფილმი მოგვითხრობს 66-წლის ქალის, მიჯას ისტორიას, რომელიც პოეზიის წრეზე იწყებს სიარულს, რათა აღმოაჩინოს სილამაზე ცხოვრების ყოველდღიურ დეტალებში. თუმცა, ამავდროულად, მას რთული რეალობის წინაშე უწევს დადგომა. მისი შვილიშვილი სასტიკ დანაშაულშია გარეული.

ფილმში პოეზიის სინათლე მუდმივად ეჯახება სასტიკ რეალობას. ლი ჩან დონმა შექმნა ფილმი, რომელიც გვასწავლის, რომ ხშირად ყველაზე მტკივნეულ მომენტებში ვპოულობთ პოეზიას და სწორედ იქ ვხვდებით საკუთარ თავს.

ისტორია მოგვითხრობს ჩრდილოეთ და სამხრეთ კორეელ საიდუმლო აგენტებზე, რომლებიც ვლადივოსტოკის საზღვარზე დანაშაულის გამოძიებისას ერთმანეთს უპირისპირდებიან.

ფილმი მოგვითხრობს ბითიესის ლოს-ანჯელესში შეხვედრაზე. დროთა განმავლობაში მიღებული გამოცდილებისა და პიროვნული ცვლილებების შემდეგ, ჯგუფი ახლი მუსიკის შესაქმნელად საერთო შემოქმედებით სივრცეში კვლავ ერთიანდება. ფილმი განიხილავს საკითხებს, როგორებიცაა "როგორ დავიწყოთ თავიდან, როგორ ვცეთ პატივი წარსულს მასზე დამოკიდებულების გარეშე და როგორ განვაგრძოთ ერთად წინსვლა". ის მაყურებელს ჰპირდება უპრეცედენტო წვდომას კულისებს მიღმა მიმდინარე შემოქმედებით პროცესებთან და ასახავს ეჭვის, ფიქრისა და ხელახალი აღმოჩენების მომენტებს, რომლებსაც შვიდივე წევრი გაერთიანების გზაზე გადის.

ფილმი იმის შესახებ, რომ სიცოცხლეს, სილამაზეს და სიყვარულსაც, ყველაფერს თავისი ფერი აქვს. ფილმი იმ ადამიანების შესახებ, რომლებიც ცასთან, მზესთან, ყვავილებთან და თავიანთ ფერად ხალიჩებთან ერთად ცხოვრობენ. მაშინ, როცა მოხუცი ირანელი წყვილი ნაქსოვი ფერადი ხალიჩის გასარეცხად ემზადება, მოულოდნელად ნაჭრიდან მაგიური გოგო გაბეჰი ამოდის, რომელიც წყვილს თავის ისტორიას უყვება.

ჰონგ-კონგი, სწრაფი კვების ობიექტი აკავშირებს ერთმანეთთან ორ უჩვეულო ამბავს - პოლიციის ოფიცრების სიყვარულის შესახებ. სწორედ რესტორანში გაიცნობენ ისინი მისტიკურ ფატალურ ქალს.

ამი იაპონელი მოგზაურია, რომელიც ერთ დღეს სკოლის მოსწავლე- ჯიმის სამსახურში მუშაობას დაიწყებს. ზაფხულს ერთად მუშაობასა და დაახლოებაში გაატარებენ, რა დროსაც ჯიმის ამის მიმართ გრძნობები გაუჩნდება. მაგრამ, როცა უკვე მათი ურთიერთობა უმჯობესდებოდა, ამი იაპონიაში დაბრუნებას გადაწყვეტს და ჯიმისთან ერთ რთულ პირობას დებს. დრო გადის და ჯიმი მშობლების სახლს დიდი ხნის განმავლობაში პირველად სტუმრობს. მოულოდნელად ამის 18 წლის წინ მოცემულ წერილს პოულობს, რომელიც მან სახლში დაბრუნების შემდეგ გაუგზავნა. ჯიმის პირველი სიყვარულის მოგონებები ამოუტივტივდება და გადაწყვეტს იაპონიაში მოგზაურობა დაიწყოს, რათა წარსულს თვალი გაუსწოროს და აწმყო უკეთ შეაფასოს. მისი ერთ-ერთი სურვილი ამის მშობლიური ქალაქის მონახულება იყო, თუმცა ნამდვილად შეძლებს ჯიმი ამისთან შეხვედრას?

კანჯინის ცხოვრება იცვლება, როცა შემთხვევით ფულის კონვერტს პოულობს. ამ ფულით ის ცდილობს ნამიონის შეყვარებულს, დაიონს დაუახლოვდეს, მაგრამ როცა ნამიონი ამაზე იგებს, შურისძიებას იწყებს და კანჯინს ფულს პარავს. კანჯინი დახმარებისთვის ფულის პატრონს, მევახშეს მიმართავს. ამის შემდეგ ისინი ერთად ერთვებიან საშიშ და დაძაბულ თამაშში, სადაც კანჯინი ნელ-ნელა ეცნობა მევახშეების სამყაროს.

იუთუბერი, რომლის ვიდეოებსაც ყველაზე ნაკლები ნახვა აქვს, ხვდება იდუმალი მეტროსადგურის უფროსს, რათა ნამდვილი საშინელებათა ისტორიის სათავეს მიაგნოს. ის რამდენიმე უცნაურ ამბავს აწყდება. 

ფილმი მოგვითხრობს ისტორიას ჯაიუნისა და მისი თანაკლასების მიერ რიტუალის ჩატარებისა და მოჩვენებების გამოძახების შესახებ. მეგობრებს სურდათ ზებუნებრივი მოვლენების შესახებ ვიდეო გადაეღოთ, მაგრამ მზადების პროცესში რიტუალის რეალურად ჩატარებას გადაწყვეტენ...

გოგონას, რომელსაც ცურვა უზომოდ უყვარს, შეუყვარდება ბიჭი, რომელსაც თითებს შორის ფარფლები აქვს. დროთა განმავლობაში გოგონა შინაგან წინააღმდეგობაში ვარდება: ერთი მხრივ, გულშემატკივრობს ბიჭს, როგორც პერსპექტიულ მოცურავეს, მეორე მხრივ კი ცდილობს, საკუთარი არასრულფასოვნების კომპლექსი დაძლიოს. საბოლოოდ, გოგონა შორდება მას და სიყვარულის შანსს კარგავს. შეძლებენ კი ისინი კვლავ გაერთიანებას?

შორეულ და იზოლირებულ კუნძულზე სიაოჯი დასასვენებლად ჩადის და მშვიდ დღეებს ელოდება. თუმცა, ის მოულოდნელად შეხვდება ჩენ ლის- მისი უფროსი ძმის კლასელს. მათი კავშირი ნელ-ნელა ღრმავდება ლიჩის ბაღებსა და ზაფხულის ვარსკვლავიანი ღამეების ფონზე. მაგრამ როცა დაფარული ემოციები და წარსულის საიდუმლოებები თავს იჩენს, ისინი რთული კითხვის წინაშე დგებიან: ეს მხოლოდ ზაფხულის რომანია თუ რაღაც ბევრად უფრო ღრმა და ხანგრძლივი?

20 წლის გოგონა, რომელსაც მზის მიმართ ალერგია აქვს, ჩაკეტილი ცხოვრებით ცხოვრობს. ერთ ღამეს ის გარეთ გიტარაზე დასაკრავად გადის და ხვდება ბიჭს, რომელიც ძალიან მოსწონს. მათ შორის რომანი იწყება, თუმცა გოგონა თავის მდგომარეობას უმალავს, რაც მათ ურთიერთობაში დაძაბულობას ქმნის.

2008 წელს მშობლიური ქალაქისკენ მიმავალ იუნოსა და ჯონვონს ბედისწერა ერთმანეთს ახვედრებს, რომელიც ჯერ კარგ და საიმედო მეგობრობაში, შემდგომ კი სიყვარულში იზრდება. ცივ სეულში გადასული ბავშვები ერთმათში პოულობენ ნუგეშს და ერთმანეთს ოცნებებს უზიარებენ, თუმცა საბოლოოდ, სასტიკი რეალობა მათ გზებს ჰყოფს. 10 წლის შემდეგ ისინი თვითმფრინავში კვლავ ხვდებიან ერთმანეთს და წარსულს იხსენებენ.

მისონსა და დოგიუნს სამყაროში მხოლოდ ერთმანეთის იმედი აქვთ. გოგოები სიღარიბეს და უბედურებას მიჩვეულები არიან, მაგრამ სამყარო უფრო და უფრო აუარესებს მათ ვითარებას. მაშინ, როდესაც მათ ცხოვრებაში იმედის ნაპერწკალი ჩნდება, ყველაფერი თავზე ემხობათ. გოგოებს ყელში ამოსდით სასტიკი ცხოვრება და გადაწყვეტენ, სიცოცხლის გარისკვის სანაცვლოდ უზრუნველყონ თავიანთი მომავალი.

გიონროგი ახალგაზრდა ბიჭია, რომელსაც თავისი გარეგნობის გამო მუდამ აქებენ. სავაჭრო ცენტრში ნახევარ განაკვეთზე მუშაობის დროს ის მიჯონს გადაეყრება, ყველასგან გარიყულ გოგონას, მის მიმართ კი გრძნობები გაუჩნდება. სანამ მათ ერთმანეთი უყვარდებათ, მათ იდეალურად დაუმეგობრდება მათი საეჭვო და უცნაური კოლეგა- იოჰანი. თუმცა როგორც კი მათი ურთიერთობა საბოლოოდ გაიზრდება და საბოლოო ეტაპზე მივა, ისინი გარკვეული მოვლენების გამო ერთმანეთისგან განსხვავებულად იწყებენ ცხოვრებას.

შუჯი ტერაიამას „პასტორალი:მოკვდე სოფელში“/,,Pastoral:To Die in the Country" (1974.წ) მისი ერთ-ერთი ყველაზე შთამბეჭდავი და ღრმა ნამუშევარია. ეს ფილმი წარმოადგენს სიურეალისტურ და ავტობიოგრაფიულ მოგზაურობას, სადაც ტერაიამა ბავშვობის მოგონებებს, სოფლის იდილიას და ადამიანის შინაგან კონფლიქტებს ერთმანეთს უცნაურად და ესთეტიკურად აკავშირებს.