სო იდო დაქირავებული მკვლელია, რომელიც სამიზნის, ჰო დონჰვას მოსაკლავად მის სახლში მიდის, თუმცა გეგმა იცვლება და მას მსხვერპლის დატყვევება უწევს. ვითარება მაშინ რთულდება, როდესაც სახლში სამიზნის ძველი მეგობარი, მხიარული ჩუ თეჯონი ჩნდება. გაუგებრობის გამო, თეჯონს იდო მასპინძლის უფროსი ძმა ჰგონია. იდო ამ ტყუილს მიჰყვება, თუმცა მალევე აღმოაჩენს, რომ დაუპატიჟებელი სტუმარი სინამდვილეში დეტექტივია. როდესაც სიმართლე წყალზე ამოვა, მკვლელი სასტიკი არჩევანის წინაშე დადგება: დაასრულოს მისია თუ ყველაფერი გასწიროს იმ ადამიანისთვის, ვინც სიმართლეს ეძებს.

მშობლების იდუმალი დაღუპვის შემდეგ, მიოჯინი 15 წელი მხოლოდ შურისძიების წყურვილით ცხოვრობდა. თუმცა, როცა მიზანთან ყველაზე ახლოს იყო, მოულოდნელი ავარიის გამო მოგონებები დაკარგა. წარსულის ნამსხვრევების ძიებაში ის ნელ-ნელა შოკისმომგვრელ სიმართლეს აწყდება, რომელიც მის სამყაროს სრულად ამოატრიალებს.

უნივერსიტეტში აბსურდული გაერთიანების შედეგად, კომპიუტერული ინჟინერიისა და მოდელირების დეპარტამენტები ერთიანდებიან. ორი დეპარტამენტის სტუდენტები ერთად იწყებენ სწავლას. მოდელირების დეპარტამენტის სტუდენტმა, კან მინჰაკმა, გაცნობის შოუში გამოჩენის შემდეგ მილიონი გამომწერი მოიპოვა სოციალურ ქსელში, მას გარშემომყოფების მოხიბვლის განსაკუთრებული უნარი აქვს.

ჯუ იონსანი კი კომპიუტერული ინჟინერიის დეპარტამენტის საუკეთესო სტუდენტია. პრობლემების სწრაფად გადაჭრა კი შეუძლია, მაგრამ ერთი ფატალური ნაკლი აქვს: თუნდაც ერთი პატარა შეცდომა იყოს, წინსვლაში მაინც ხელს უშლის. მთელი დღეები კომპიუტერთან მუშაობს, ურთიერთობების არავითარი ინტერესი არ აქვს... მოულოდნელად კი ეს ორი რადიკალურად განსხვავებული ადამიანი ერთმანეთის ცხოვრებაში ჩნდება. ნეტავ ეს სტუდენტებს სადამდე მიიყვანთ?