სკოლის მასწავლებლებს მოსწავლეების დისციპლინირება უჭირთ და ხშირად ამის სურვილიც კი არ აქვთ. კლასში მასწავლებლების ავტორიტეტი ილახება, რაც სერიოზულ სოციალურ პრობლემებს იწვევს. ეროვნული ასამბლეა და განათლების მინისტრი მასწავლებლების უფლებათა დაცვის კანონს იღებენ. კანონის მიღებასთან ერთად, ყალიბდება ახალი სამთავრობო ორგანიზაცია, "საგანმანათლებლო უფლებების დაცვის ბიურო". ნა ჰვაჯინი ამ ბიუროს წევრია. მისი გუნდი, ზედამხედველების სტატუსით, სხვადასხვა პრობლემურ სკოლებში იგზავნება. იქ მათ შეუძლიათ მოსწავლეები ყოველგვარი შეზღუდვების გარეშე აღზარდონ და ჭკუა ასწავლონ.

როცა უნიკალური თვისება სხვისი სურვილის საგანი ხდება… შეძლებს კი გადარჩენისთვის ბრძოლასა და თანდათანობით გაღვივებულ გრძნობებს შორის მომწყვდეული სიყვარული აყვავებას, თუ იქამდე მოწყვეტენ, სანამ ფურცლებს გამოისხამს?

სო იდო დაქირავებული მკვლელია, რომელიც სამიზნის, ჰო დონჰვას მოსაკლავად მის სახლში მიდის, თუმცა გეგმა იცვლება და მას მსხვერპლის დატყვევება უწევს. ვითარება მაშინ რთულდება, როდესაც სახლში სამიზნის ძველი მეგობარი, მხიარული ჩუ თეჯონი ჩნდება. გაუგებრობის გამო, თეჯონს იდო მასპინძლის უფროსი ძმა ჰგონია. იდო ამ ტყუილს მიჰყვება, თუმცა მალევე აღმოაჩენს, რომ დაუპატიჟებელი სტუმარი სინამდვილეში დეტექტივია. როდესაც სიმართლე წყალზე ამოვა, მკვლელი სასტიკი არჩევანის წინაშე დადგება: დაასრულოს მისია თუ ყველაფერი გასწიროს იმ ადამიანისთვის, ვინც სიმართლეს ეძებს.

ტაიგა ჰასეგავა უნივერსიტეტში მორბენალთა გუნდის წევრი იყო, თუმცა დაბალი აკადემიური მოსწრების გამო სპორტს თავი დაანება. ახლა ის პატარა რესტორანში ნახევარ განაკვეთზე მუშაობს. ამავდროულად, პაკ რინი სამხრეთკორეელი მაგისტრანტია, რომელიც იაპონიაში ანიმაციას სწავლობს. თუმცა მოულოდნელად იღებს შეტყობინებას, რომ მისი საერთო საცხოვრებელი გარემონტებას საჭიროებს და სასწრაფოდ სჭირდება საცხოვრებელი ადგილის პოვნა. სწორედ ამ დროს, პაკ რინი შემთხვევით მიდის რესტორანში, სადაც ტაიგა ჰასეგავა მუშაობს.

იუთუბერი, რომლის ვიდეოებსაც ყველაზე ნაკლები ნახვა აქვს, ხვდება იდუმალი მეტროსადგურის უფროსს, რათა ნამდვილი საშინელებათა ისტორიის სათავეს მიაგნოს. ის რამდენიმე უცნაურ ამბავს აწყდება. 

გოგონას, რომელსაც ცურვა უზომოდ უყვარს, შეუყვარდება ბიჭი, რომელსაც თითებს შორის ფარფლები აქვს. დროთა განმავლობაში გოგონა შინაგან წინააღმდეგობაში ვარდება: ერთი მხრივ, გულშემატკივრობს ბიჭს, როგორც პერსპექტიულ მოცურავეს, მეორე მხრივ კი ცდილობს, საკუთარი არასრულფასოვნების კომპლექსი დაძლიოს. საბოლოოდ, გოგონა შორდება მას და სიყვარულის შანსს კარგავს. შეძლებენ კი ისინი კვლავ გაერთიანებას?

სეულში იდუმალებით მოცული ვირუსი ვრცელდება: ინფიცირებულებს სიყვარულის გრძნობა ეუფლებათ, რაც იმდენად ძლიერდება, რომ საბოლოოდ ადამიანს კლავს. პესიმისტი ოკ თეკსონი, რომელსაც ცხოვრებაში არაფერი მოსწონს, ამ ვირუსით ინფიცირდება. ლი გიუნი ოკ თეკსონს უკავშირდება, რათა მასზე გამოსცადოს წამალი, რომელსაც ქმნის. მალე გიუნი აღმოაჩენს, რომ თეკსონს განსაკუთრებული ანტისხეულები აქვს, თუმცა გოგონას ნელ-ნელა გიუნი უყვარდება. ეს ნამდვილი სიყვარულია თუ უბრალოდ ვირუსი?

ამბავი მოგვითხრობს ერთ ქალზე, სახელად ჰონჰვა, რომელიც მამამისის საავადმყოფოს ხარჯების გადასახდელად კონკრეტული მედიკამენტების მოხმარების კვლევაში მონაწილეობს. შედეგად, ჰონჰვა სხვების სიზმრებში შეღწევისა და მათი კონტროლის უნარს იძენს. ის ამ ძალას სერიულ მკვლელთან დაპირისპირებისთვის იყენებს, რომელიც ასევე სიზმრებს აკონტროლებს.